محترم قارئین السلام علیکم!مجھے کھایا پیا بالکل نہیں لگتا۔ میں ایک وقت میں دو گلاس پانی پی جاتا ہوں اور کھانا بھی ٹھیک کھاتا ہوں لیکن جسم کو لگتا نہیں ہے۔ بار بار بیت الخلاء کی حاجت پیش آ تی ہے۔اگر کسی کے پاس اس کا کوئی دیسی علاج یا ٹوٹکہ ہو تو ضرور لکھیں۔ (نوید محبوب، منڈی بہائوالدین)
2) محترم قارئین میں نے تین چار سال پہلے اپنا نیا گھر بنایا۔ جب اس گھر میں شفٹ ہوئے تب سے بیماریوں نے مجھے میرے بچوں اور بیوی کو گھیر لیا ہے۔ میں چھوٹا سا کاروبار کرتا ہوں اور میری بیوی سکول میں بچوں کو پڑھاتی ہے۔ آمدن کا کچھ پتہ نہیں چلتا ایک طرف سے پیسےآتے ہیں تو دوسری طرف لگ جاتے ہیں۔میرا بیٹا دوسرے شہر ہاسٹل میں رہ کر پڑھتا تھا وہاں اس کی صحت ٹھیک تھی‘ جب یہ گھر آیا ہے تو اس کی صحت بھی خراب ہو گئی ہے۔ بڑی بیٹی پر جنات کا اثر ہو گیا ہے۔ عاملوں کے پاس جاتے ہیں تو وہ بتاتے ہیں کہ گھر پر جنات کا سایہ ہے۔چھوٹی بیٹی بھی ہر وقت بیمار رہتی ہے۔مجھے لگتا ہے ہمارے نئے گھر میں کوئی مسئلہ ہے جس کی وجہ سے روز نئی مصیبت آتی ہے۔ اس سے کس طرح چھٹکارا پایا جا سکتا ہے۔تیربہدف اور بےخطا عمل بتائیے۔(جنید ،کوہاٹ )
3)السلام علیکم!میرا دو سال قبل روڈ ایکسیڈنٹ ہو گیا تھا جس میں میرے پیر کی ہڈی ٹوٹ گئی تھی۔ پیر کا آپریشن کروایا تھا جس کا زخم تین ماہ بعد خراب ہو گیا‘ زخم سے پانی رسنے لگا ۔ ڈاکٹر کے بتانے پر بھی کوئی توجہ نہ کی جس کی وجہ سے ہڈی بھی خراب ہو گئی۔ آپریشن کروا کر ہڈی کو نکال کر راڈ لگایا گیا ۔ زخم بار بار خراب ہو جاتا ہے اس کے لئے کوئی علاج بتا دیجیے۔(عبدالمنان، کراچی)
4)میرا مسئلہ یہ ہے کہ مادہ منویہ بالکل پتلا ہے۔ خاص لمحات کا وقت بہت کم ہے ۔ جسمانی درد‘ پٹھوں کا کھچائو اور اکڑائو بہت زیادہ ہے،کمر اور ٹانگوں میں بھی درد ہے ۔(م،ع)